Л.В.Пучков ячӗллӗ Чӑрӑшкасси шкулӗнчи 9 класс ачисем Чӑваш республикин Мухтавлӑ ҫыннисене асра тытса, Василий Иванович Чапаев 135 ҫул тултарнине халалласа легендарлӑ начдив ҫинчен презентаципе паллашрӗҫ. Тӗрлӗ документсене тишкернӗ хыҫҫӑн мухтавлӑ паттӑр ҫинчен калаҫу та питӗ кӑсӑклӑ иртрӗ. Юлашкинчен Павел Борисов тата Анастасия Федорова Василий Ивановича халалласа тӑван чӗлхепе сӑвӑсем ҫырчӗҫ, илемлӗ вуласа пачӗҫ.

Чӑваш чӗлхипе литература вӗрентекен Николаева А.М.