Тăван чĕлхе хисепĕ, сумĕ ÿстĕр тесе Л.В. Пучков ячĕллĕ Чăрăшкассинчи пĕтĕмĕшле пĕлÿ паракан вăтам шкулта район, республика шайĕсенчи тĕрлĕ конкурссене, олимпиадăсене хутшăнсах тăраççĕ. 10 класри Анна Серебрякова, 11 класри Ксения Родионова И. Я. Яковлев ячĕллĕ Чăван патшалăх педагогика университечĕ Çĕр ĕçченĕн çулталăкне тата Тăван чĕлхе кунĕ тĕлне ирттернĕ олимпиадăра иккĕшĕ те иккĕмĕш вырăнсемпе килни шкул чысне те хăпартать, ачасене те, ашшĕ-амăшĕсене те, чăваш чĕлхипе литература вĕрентекен АМ Николаевана та хавхалантарать.Вĕрентекене те, призĕрсене те Хисеп хучĕсемпе чысларĕç.