Кружоксене — класĕпех
Тăрăшса вĕренме, пур енлĕн аталанма пур май та пур Чăрăшкассинчи пĕтĕмĕшле пĕлÿ паракан вăтам шкулта. Уроксем хыççăн ачасем хаваспах кружоксемпе спорт секцийсене çÿреççĕ, пушă вахата усăллă ирттереççĕ. 6 класс ачисем пурте тĕрлĕ кружоксене çырăннă. Вĕсем вăй-хала çирĕплетеççĕ, пултарулăха аталантараççĕ, тарăн та çирĕп пĕлÿ илме тăрăшаççĕ. Ачасене ытларах ÿкерес, юрлас-ташлас, шашка-шахмат выляс, ют чĕлхепе калаçас пултарулăха туптасшăн.