Çу уйăхĕ паллă датăсемпе пуян. «Хыпар» хаçат никĕслевçи Николай Васильевич Никольский  çуралнăранпа 135 çул çитнине халалласа  республикăра тухса тăракан «Хыпар» хаçат  «Ăсчах пурнăçне пĕлетĕр-и?» виртуал викторина-конкурс ирттерчĕ.  Унта Чăрăшкассинчи пĕтĕмĕшле пĕлÿ паракан вăтам шкулти 7-мĕш класри Августина Смирнова та хутшăнчĕ.  Паллă ăсчах, этнограф, историк  ĕçне-хĕлне республикăри шкулсен 5-11 класĕсенче вĕренекен  90 ача  тĕпчерĕ. Никольский пултарулăхне тĕпченĕ, унăн кун-çулĕпе кăсăкланса хăйĕн тавра курăмне пуянлатнă Августина конкурса хутшăннине çирĕплетекен сертификата тивĕçнĕ.