Чăрăшкассинчи пĕтĕмĕшле пĕлÿ паракан вăтам шкулта вĕренекнесем кунта тăрăшакан учительсен ырми-канми ĕçĕсене тÿрре кăларма тăрăшаççĕ. Спортра çитĕнÿсем тунипе пĕрлех ачасем пултарулăх енĕпе те пит маттур. Район, республика шайĕнче вĕсем кулленех тĕрлĕ конкурссенче хутшăнса мала тухнисĕр пуçне  пĕтĕм Раççей шайĕнчи конкурссенче те хăйсен ăсталăхне  кăтартма пултараççĕ.  «Анне ăшши» сăвă конкурсĕнче  7-мĕш класри  Рома Николаев  хăйĕн вырăсла çырнă сăввипе 2-мĕш вырăн çĕнсе илнĕ. Ачасене сăвăсем хайлама Николаева А.М. вĕрентекен чăвашла та, вырăсла та хăнăхтарать.