Чăрăшкассинчи пĕтĕмĕшле пĕлÿ паракан вăтам шкул ачисем мĕн пур чăваш ачисемпе пĕрле тăван чĕлхепе литература эрнине пуçларĕç. 11 класра вĕренекен Людмила Ильина ачасем умĕнче  линейкăра  И. Я. Яковлев чаплă патриахăмăр çинчен «Ячĕ сÿнмĕ нихăçан» доклад вуласа пачĕ, çак эрнери планпа паллаштарчĕ.Планпа килĕшÿллĕн çак эрнере 5-8 классенче тăван чĕлхе пĕлĕвĕн шайне тĕрĕс  хак парас тĕллевпе тĕрĕслев ĕçĕсем ирттермелле. Пысăк балл пухакансем парнесене тивĕçĕç.